Coa montaxe do CDG A Burra, a Mesa e o Pau,  chega tamén unha nova aposta das ImproVersións  ao Salón Teatro. Baseándose na obra de Lorena  Conde, as improvisadores inspiraranse no estilo e  na atmósfera da obra, así como nas suxerencias  dos espectadores, para realizar variantes libres e  aloucadas a redor desta nova produción.  

Coa direción de Antón Coucheiro e coa novísma  compañía de improvisación teatral As Teimas sobre  o escenario, realizaranse dúas únicas funcións, que  servirán para facer de ponte entre diversos  públicos, e para que a divertida linguaxe da impro  dialogue cunha posta en escena teatral.  

Creación en directo, dramaturxia instantánea,  historias efémeras, escenas irrepetibles, a outra  cara do teatro. Benvidas, a impro continúa no  Salón Teatro.  

Idea/direción: Antón Coucheiro  

Elenco: Susana Sampedro, Sheyla Fariña e Marta  Doviro  

Produce: Antón Coucheiro e As Teimas