Someter é domar. Conséguese cercando, illando, limitando o movemento. Confinamento en gaiolas. A muller sente os fíos cortandolle o aire nas súas carnes. Unha estratexia violenta. E se doe o movemento, a estratexia é máis efectiva.

Malditos Tacones, palpitante texto de Ignacio Amestoy. Fálanos de dúas mulleres que se enfrontan co poder nas súas mans. Buscan a verdade e atopan a gran mentira. Dous superviventes de hoxe, que buscan o osíxeno esencial para recuperar unha dignidade perdida.

Por riba delas, a sombra dun xigante, calquera Agamenón cruel. A herdanza dun poder corrupto, con identidade de xénero, como arma de submisión.

Dúas vidas, dúas éticas contrapostas nunha sociedade non pensada para elas. A gran Victoria Burton, matriarca da saga Burton. E María García, brillante avogada autodidacta.

Dúas grandes mulleres despoxando, esfollando ou reinventando o poder dunha clase privilexiada. Dúas mulleres de altura que calzan os séus tacóns de forma diferente. Dúas mulleres soas. Sempre estiveron soas.