Con José Isbert, Emma Penella

España
1963

90 minutos

O gran Rafael Azcona asina a trama dun pobre home que, obrigado polas circunstancias, herda o oficio do seu sogro (Pepe Isbert, encarnando un verdugo do franquismo). El Verdugo é a mellor película de Luis García Berlanga e unha obra clave da nosa cinematografía que, baixo o disfrace da comedia, agocha unha feroz crítica a unha España desenvolvementista, kafkiana e deprimente. Unha lección de cinema no fondo e na forma, un monumento que se mantén como o primeiro día.

Ao finalizar a proxección haberá unha charla-coloquio con Samantha Hudson (cantante, actriz e activista).

Samantha Hudson: cantante, compositora, produtora, guionista, actriz e icona 360. Figura emblemática da contracultura contemporánea polo seu discurso crítico e vangardista e polo seu labor a prol do colectivo LGTB. Foi galardoada con premios como o MTV EMA 2023 á Mellor Artista Española e presentou a última edición dos Premios Feroz, entre moitas outras actividades.