Espectáculo baseado no tango e nas raíces argentino-españolas que teñen moito que ver coa copla, que porto a porto se forxaron con moitas connotacións comúns; a copla é a muller, o tango, o seu marido. Os seus compositores escoitaban estas músicas nun e noutro lado do Atlántico, escoitábanse nas casas dun e doutro lado e xerábanse amores, exilios e distancia. Creemos que hoxe faise imprescindible unha nova lectura dese amor, desa poética.

Unha cantante andaluza, namorada do tango, unha violinista catalá, un pianista de Cádiz e un bandoneón argentino, que levan o xénero do trío ás máis altas cotas musicais de calidade.

Con este concerto Al Sur del Tango, estes músicos únense a Martirio, con veteranía, coñecemento e admiración entre eles e amor polos xéneros musicais de ambos países que, por nacemento ou acollida fructífera, senten como propios, liderando cada un as súas carreiras exitosas, coas que foron acadando un nome de culto. Teñen entre si unha formación musical que confire ao tango clase, coñecemento, innovación e personalidade. Interpretaron os máis diversos xéneros musicais, do jazz á canción, do pop ao jazz, do tango á copla, e todo isto reflíctese na súa interpretación, deixando a súa impronta exquisita dentro do mellor gusto pola música de verdade.

Falamos de Marcelo Mercadante, bandoneonista argentino espectacular, músico, director e compositor, unido ao gran pianista Jesús Lavilla, gaditano e un dos nosos pianistas, arreglistas e directores de bandas máis notables, que transita polos máis diversos xéneros.
Olvido Lanza é a deusa do violín, unha muller carismática, exemplar na súa disciplina, cunha sensibilidade encomiable e unha longa carreira acompañando aos máis grandes. E con estes tres mestres, a voz de Martirio, amante de diversos xéneros e namorada do flamenco, do jazz, da copla e do seu marido o tango, co que conversa en público e nos seus discos desde 1997.

Este singular cuarteto únese para ofrecer unha nova lectura aos tangos que máis lles atraen, dándolles unha volta polo sur, que unifique ese amor polas dúas nacións unidas pola música, a literatura, o teatro, o cine, o exilio, a convivencia e o amor de séculos. Nesta ocasión, tangos de Gardel a Piazzolla, desgranando temas dos máis célebres compositores: Hnos. Expósito, Discépolo, Eladia Blázquez, Canaro, Contursi, Mores,… e moitos máis.

NORMAS DE ACCESO AO RECINTO
• Todas as persoas que accedan ao recinto no que terá lugar o concerto deben facelo con entrada, independentemente da idade que teñan ou de ocupar ou non butaca
• Non se admiten cambios nin devolucións das entradas
• Non está permitida a entrada ao recinto con comida nin bebida, agás auga
• Están reservados todos os dereitos de imaxe e propiedade intelectual dos concertos programados. Non se permite facer fotos nin gravar antes, durante nin ao finalizar o concerto sen a autorización da organización
• Unha vez comezado o concerto non se permitirá o acceso á sala

SE RECOMÉNDA:
Actuar con responsabilidade