Micah P. Hinson (nacido o 3 de febreiro de 1981 en Memphis) é cantautor e guitarrista de americana e indie. Deuse a coñecer a finais de 2004 cando só contaba con 23 anos co seu primeiro álbum titulado Micah P. Hinson and the Gospel of Progress. O disco obtivo o beneplácito da crítica e foi incluído nos primeiros postos das listas dos «mellores discos do ano» por varios medios de comunicación.

Musicalmente foi comparado con artistas como Johnny Cash, Leonard Cohen, Tom Waits e Nick Cave, e con outros grupos de folk e country rock alternativo como Wilco, Lambchop e Bright Eyes. Hinson, pola súa banda, afirmou que se sente próximo a cantautores máis achegados ao pop como Elliott Smith ou Iron & Wine e que non medrou escoitando country, senón grupos de rock alternativo como My Bloody Valentine ou Pixies.

As súas letras adoitan ser autobiográficas e conteñen referencias á súa precoz e problemática vida persoal, da que a prensa musical adoita facerse eco habitualmente. Hinson recoñeceu que esta constante vinculación por parte dos xornalistas da súa persoa coa mala vida lle fixo sentirse arrinconado, perpetuando ese personaxe aínda que xa tivese pechada esa etapa.

NORMAS DE ACCESO AO RECINTO
• Toda persoa que acceda ao recinto no que terá lugar o concerto debe facelo con entrada independentemente da idade que teña ou de ocupar ou non butaca
• Non se admiten cambios nin devolucións das entradas
• Non está permitida a entrada ao recinto no que terá lugar o concerto con comida nin bebida excepto auga
• Están reservados todos os dereitos de imaxe e propiedade intelectual dos concertos programados. Non se permite facer fotos nin gravar antes, durante nin ao finalizar o concerto sen a autorización da organización
• Unha vez comezado o concerto non se permitirá o acceso á sala

RECOMÉNDASE:
Actuar con responsabilidade.