Macy Gray é unha das artistas máis influentes do soul e do R&B das últimas décadas. Gañadora dun Premio GRAMMY® polo seu himno “I Try”, foi nomeada en cinco ocasións aos GRAMMY®, ademais de recibir dous premios BRIT, consolidando unha traxectoria recoñecida internacionalmente tanto pola crítica como polo público.

Con máis de 25 millóns de discos vendidos e o exitoso álbum On How Life Is, Macy Gray converteuse nunha das voces máis persoais da música contemporánea grazas ao seu inconfundible timbre rachado, á súa elegante mestura de soul, funk, jazz e R&B, e a unha presenza escénica absolutamente única.

Ao longo da súa carreira colaborou con artistas como Ariana Grande, Bobby Brown ou Galactic, ademais de desenvolver unha destacada traxectoria como actriz en producións como Training Day, xunto ao gañador do Oscar Denzel Washington.

En directo, Macy Gray ofrece un espectáculo cheo de emoción, personalidade e autenticidade, repasando os grandes éxitos que a converteron nunha icona mundial, como “I Try”, xunto coas cancións dos seus traballos máis recentes.

Unha oportunidade irrepetible para gozar dunha das grandes voces da música internacional, recoñecida con algúns dos premios máis prestixiosos da industria e admirada por varias xeracións de afeccionados ao soul e ao R&B.

NORMAS DE ACCESO AO RECINTO

• Toda persoa que acceda ao recinto onde terá lugar o concerto deberá facelo con entrada, independentemente da súa idade ou de ocupar ou non butaca.
• Non se admiten cambios nin devolucións das entradas.
• Non está permitida a entrada ao recinto onde terá lugar o concerto con comida nin bebida, agás auga.
• Resérvanse todos os dereitos de imaxe e de propiedade intelectual dos espectáculos e concertos programados. Non está permitido facer fotografías nin gravacións antes, durante nin ao remate do concerto sen a autorización da organización.
• Unha vez comezado o concerto, non se permitirá o acceso á sala.

RECOMÉNDASE:

Actuar con responsabilidade.