Antía Muíño presenta en Ferrol o seu esperado novo disco, un traballo precioso e contemporáneo que xa se perfila como un dos imprescindibles do 2026. A artista, considerada unha das grandes revelacións da nova canción galega, ofrece unha viaxe entre estilos perfectamente guiada entre o jazz-pop, a canción de autora e a música tradicional. Coa súa voz máxica e unha posta en escena íntima e poderosa, Antía intercala autorías propias con ecos do canto tradicional, acompañada por Miguel Arribas (saxo), Yudit Almeida (contrabaixo) e Ton Risco (percusión).