Todos os asistentes, independentemente da súa idade, necesitarán entrada para poder acceder ao evento.

A Orquestra Sinfónica de Pontevedra protagonizará o vindeiro 1 de xaneiro de 2026  ás 19:30 h  no Auditorio do Pazo da Cultura de Pontevedra, o seu tradicional Concerto de Aninovo, baixo a batuta do magnífico mestre David Fiuza Souto.

A gala contará cunha viaxe no tempo e no espazo: na primeira parte partindo de Galicia chegarán as famosas melodías de Prudencio Romo, compoñente de Los Tamara,  grazas ás voces de Paco Lodeiro e César Romero. A agrupación, moi popular nos anos 60 e 70, caracterizouse por unha nova forma de música popular galega con influencias de soul e rock, incluíndo poemas dos grandes escritores da nosa lingua.

A segunda parte levará ao público a Viena, onde soarán obras mestras da familia Strauss. O mellor xeito de festexar a chegada de 2026 entre divertidos e tradicionais valses e polcas do concerto de Aninovo, acompañados ademais pola maxia colorida do Ballet de Galicia.