Davide Salvado presenta o seu álbum Permita Deus no Auditorio do Teatro Afundación Vigo.

Permita Deus é un espectáculo íntimo, creado para a escoita e para os sentidos. Un encontro coas músicas tradicionais que marcaron o seu camiño, especialmente as de Galicia, en diálogo con sonoridades doutras terras que tamén o habitan.

Baixo este título, que é case unha invocación e unha entrega, o repertorio ábrese á memoria, á emoción e ao sagrado do cotián.

Cancións de raíz, con letras de Manuel Cortés e a presenza de convidados moi especiais, que farán de cada momento algo único e irrepetible.

Voz, palabra e verdade nun formato próximo e esencial.