Antología del Bolero é un espectáculo da Savoy Club Big Band que revive a maxia dos grandes boleros nunha experiencia chea de elegancia, romanticismo e emoción.

Baixo a dirección e os arranxos orixinais de José Somoza, 18 músicos e 4 grandes voces (Noelio Rey, Kirenia Martínez, Charo Quicler e Melchor Rodó) dan vida a un repertorio inesquecible, nunha viaxe musical desde as raíces cubanas ata os grandes clásicos de Latinoamérica. Con Xurxo Souto como narrador e presentador, tradición e forza orquestral únense nunha homenaxe ás cancións que marcaron xeracións.

NORMAS DE ACCESO AO RECINTO

• Toda persoa que acceda ao recinto no que terá lugar o concerto deberá facelo con entrada, independentemente da súa idade e de que ocupe ou non butaca.

• Non se admiten cambios nin devolucións das entradas.

• Non está permitida a entrada ao recinto no que terá lugar o concerto con comida nin bebida, agás auga.

• Están reservados todos os dereitos de imaxe e propiedade intelectual dos espectáculos / concertos programados. Non se permite facer fotos nin gravar antes, durante nin ao finalizar o concerto sen a autorización da organización.

• Unha vez comezado o concerto, non se permitirá o acceso á sala.

RECOMÉNDASE:

Actuar con responsabilidade.