Educación século XXI presenta en A Coruña, o 30 de outubro, "Insatisfacción xuvenil coa imaxe corporal, cirurxía?" de Francisco Martelo abordará o complexo mundo das presións relacionadas coa imaxe en adolescentes, reflexionando sobre a problemática da dismorfia corporal e o seu impacto na autoestima e o benestar dos máis novos.

Sobre Francisco Martelo:

Como doutor en medicina e recoñecido divulgador científico, dedicou gran parte da súa carreira para achegar a ciencia e a medicina ao público xeral, promovendo unha maior comprensión e sensibilización sobre temas de saúde e avances científicos. Actualmente, ocupa o cargo de presidente da Real Academia de Medicina de Galicia, unha institución prestixiosa que lidera na promoción do coñecemento médico e científico. O seu labor combina a excelencia profesional, a innovación na divulgación e un compromiso profundo coa mellora da saúde pública e a formación de futuras xeracións.

Esta nova edición de «Educación século XXI» está incluída no programa «Cultura por alimentos», mediante o cal Afundación, en colaboración con FESBAL, anima á doazón de produtos non perecedoiros a modo de entrada solidaria, que se poderán depositar nos contedores habilitados para o efecto nos espazos de Afundación, para a súa posterior doazón ao banco de alimentos local.