Um evento solidário com as Escolas de Ensino Galego Semente, umha rede associativa, sem ánimo de lucro, que promove umha educaçom auto-centrada, multilingue, inclusiva, laica e renovadora pedagogicamente.

A jornada combinará intervençons institucionais com umha cuidada programaçom artística, contando com a participaçom solidária de figuras destacadas do panorama cultural nacioanal, como Sés, Mondra, Ukestra do Médio, As Bouba, Peter Punk e o Regueifa Tour. Através da música e do humor, a festa procura gerar um espaço de encontro para a comunidade educativa da Semente e para todas aquelas pessoas que apoiam solidariamente esta iniciativa educativa popular caracterizada polo cuidado, renovaçom e transmissom do património linguístico e cultural galego, fonte de criatividade colectiva e garantia de coesom e integraçom social.

Um dos momentos centrais do evento será a apresentaçom pública da Federaçom de Escolas de Ensino Galego Semente, nova estrutura organizativa que visa reforçar a coordenaçom e o crescimento do projeto, consolidando a sua presença no território e ampliando o seu impacto social e educativo. Um novo passo no caminho iniciado polas Irmandades da Fala, em 1923, para a construçom da Escola Nacional Galega.