Idade recomendada: + 14

Idioma: galego

Din que as segundas partes nunca foron boas. Por sorte, ninguén dixo nada das sextas. Este Nadal, Javier Veiga, David Amor e Rober Bodegas regresan aos escenarios de toda Galicia con ESFÍNTER 6, unha historia que comezou como unha escusa para xuntarse e que, a estas alturas, xa dura máis ca moitas amizades.

Nesta nova entrega, os tres amigos volverán facer o que mellor saben: repasar con moito humor o sucedido durante o último ano e compartir historias que probablemente deberían quedar na cea. Noventa minutos de risas, sorpresas e confesións innecesarias para darche algún tema de conversa extra durante as sobremesas destas festas.

Despois de cinco edicións e miles de espectadores, ESFÍNTER é xa unha tradición do Nadal. O plan perfecto para reunirse cos teus, compartir gargalladas e coller forzas antes de enfrontarse á cea familiar, ao amigo invisible e a esa persoa que insiste en poñer panxoliñas desde novembro.

Javi, David e Rober regresan un ano máis porque o público o segue pedindo e porque, sinceramente, xa non saberían como explicar na casa que este ano non teñen función. Este decembro volve ESFÍNTER, a mellor forma de pechar o ano.

NORMAS DE ENTRADA

• Todas as persoas que entren no recinto onde terá lugar o espectáculo deben ter entrada, independentemente da súa idade ou de se ocupan asento.

• As entradas non son reembolsables nin cambiables.

• Non se permite a entrada de comida nin bebida dentro do recinto, agás auga.

• Reservados todos os dereitos de imaxe e propiedade intelectual dos espectáculos programados. Non se permite facer fotos nin gravacións antes, durante ou despois do espectáculo sen a autorización do organizador.

• Unha vez comezado o espectáculo, non se permitirá a entrada a ninguén no auditorio.

RECOMENDADO:

Actuar con responsabilidade.