“Estamos cucú de la cabeza” é o novo show de humor de Daniel Fez, un monólogo afiado e moi actual sobre o difícil que é sobrevivir a esta época na que todo o mundo ten opinión…especialmente sobre cousas que non importan nada. Crispacións, debates absurdos, dramas dixitais e memes que xeran guerras mundiais: vivir hoxe é esgotador, e Daniel vén rirse de todo iso.

Co seu estilo inconfundible -entre a ironía, a incomodidade e o “terra, trágame”- Daniel converte o caos cotián en gargalladas. O público non é só espectador: as súas confesións e anécdotas poden acabar en mans de Daniel, que as recibe baixo o lema “escoitamos pero non xulgamos”… ou polo menos inténtao. E a partir de aí, calquera cousa pode pasar.

Despois de “La vida regulinchi”, volve máis acedo, máis imprevisible e máis cucú que nunca. Con máis de 4,7 millóns de seguidores, Daniel Fez salta do scroll ao escenario para facer o que mellor sabe: rirse
de todo, empezando por el mesmo.

--

Título: Estamos cucú de la cabeza

Arista: Daniel Fez

Duración: 95 min aprox.

Non recomendado a menores de 12 anos