Apocalipticamente correcto é o espectáculo de Luis Piedrahita, un enxeñoso monólogo sobre a liberdade.

O ser humano sempre desexou facer o que lle dá a gana, pero… ¿é iso posible ou o noso destino está escrito e non podemos cambialo?

Luis ironiza sobre o horóscopo, que é a proba incontestable de que o noso destino está escrito nas estrelas, e sobre as autocaravanas, que son a proba de que está escrito nos mapas de estradas.

Neste monólogo, Piedrahita arremete coa furia destrutiva dun cachorro contra temas como as anguías eléctricas, o vello púbico, o leite de soia, a choiva ou a liberdade de expresión.

Son temas controvertidos, pero Luis non teme a nada. ¿Por que? Pois porque o medo espanta a risa e, de maneira recíproca, a risa espanta o medo.

Un monólogo cunha chisca de maxia, imprescindible para entender a orixe dos nosos medos e das nosas esperanzas.

Unha peregrinaxe a paso de xílgaro polas pradarías do absurdo, o surrealismo e a imaxinación. ¿Que sentido ten todo isto? Ningún. Pero ninguén pode dicirlle nada a Piedrahita porque el fai isto por unha soa razón: porque lle dá a gana. Está escrito e non podemos cambialo.

NORMAS DE ACCESO AO RECINTO

• Toda persoa que acceda ao recinto no que terá lugar o espectáculo deberá facelo con entrada, independentemente da idade que teña ou de se ocupa ou non butaca
• Non se admiten cambios nin devolucións das entradas
• Non está permitida a entrada ao recinto no que terá lugar o espectáculo con comida nin bebida, agás auga
• Están reservados todos os dereitos de imaxe e propiedade intelectual dos espectáculos programados. Non se permite sacar fotos nin gravar antes, durante nin ao finalizar o espectáculo sen a autorización da organización
• Unha vez comezado o espectáculo non se permitirá o acceso á sala

RECOMÉNDASE:

Actuar con responsabilidade.