A tribo do Re— | EcoCampamento urbano de arte e natureza no Gaiás

Este verán no Gaiás súmate á tribo do Re—: onde a rapazada aprenderá a re-utilizar o que xa non serve, a re-imaxinar futuros novos, a re-conectar coa natureza... e levará para a casa os petos ateigados de experiencias divertidas. Un campamento urbano de verán no que van querer re-petir!

Coa guía de monitorado especializado en proxectos didácticos e actividades medioambientais, os nenos e nenas crearán a súa propia horta urbana, aprenderán sobre compostaxe de residuos orgánicos e descubrirán a variedade de especies animais e vexetais que medran na contorna de Compostela.

IMPORTANTE

É fundamental cubrir este formulario coa información complementaria requirida para o adecuado desenvolvemento da actividade.

Horario: luns a venres de 10:00 a 15:00 h. *Servizo madruga, baixo demanda, desde as 8.00 h. (incluído almorzo). Para facer uso deste servizo é necesario solicitalo cumprimentando este formulario.

Quendas

1ª quenda: do 23 ao 27 de xuño de 2025

2ª quenda: do 30 de xuño ao 4 de xullo de 2025

3ª quenda: do 1 ao 5 de setembro de 2025

Descontos

Descontos do 20% sobre o prezo da entrada para:

• Persoas xubiladas, desempregadas ou en situación de discapacidade

• Familias de especial consideración (artigo .9 Lei 3/2011, de 30 de xuño, de apoio á familia e á convivencia de Galicia)

• Persoal laboral da Cidade da Cultura de Galicia e entidades residentes

• Alumnado e persoal laboral das universidades galegas

• Carné xove

• Integrantes do Club Gaiás