Fotografías, cartas, cadernos ou recordos compartidos poden devolverlle o nome a quen a historia quixo borrar. Este conmovedor espectáculo rescata a vida e a morte de persoas asasinadas durante a Guerra Civil e o Franquismo. Os recordos seguen vivos nos seus fillos, veciños ou compañeiros, e son eles quen rompen o silencio para rescatar esas historias silenciadas.

A partir dunha premiada serie radiofónica, seis importantes dramaturgos e catro compañías de referencia na escena española que xa pasaron polo FIOT, únense para levar á escena este impactante exercicio de teatro documental construído cun caleidoscopio de relatos e monólogos, que compón un profundo mapa emocional sobre un silencio que comeza a romper.

“A terra agocha esas palabras caladas, parece que estea muda. Pero se a abres, podes oír.”