ESCENAS DE LA VIDA CONYUGAL
De Ingmar Bergman
Versión de Fernando Masllorens, Federico González del Pino

Intérpretes:
Ricardo Darín, Andrea Pietra

Dirección:
Norma Aleandro

Juan e Mariana relatan ao público unha secuencia de escenas que teñen que ver co seu matrimonio e coa relación que manteñen despois do seu divorcio. Nun ámbito atemporal e sen referencias concretas a ningunha época, entréganse a un xogo no que alternativamente son actores e personaxes, traspasando a cuarta parede e facendo cómplices aos espectadores, que inevitablemente se ven reflectidos en moitas das situacións que estes dous seres expoñen e que poden resultar divertidas, dramáticas e mesmo violentas.

Os conflitos que o autor formula ao longo da obra están presentados nesta produción do Teatro Maipo de Bos Aires de tal maneira que o público acaba rindo a gargalladas de situacións que, no fondo, agochan un gran dramatismo e que obrigan a seguir reflexionando sobre elas mesmo despois de saír do teatro.

NORMAS DE ACCESO AO RECINTO
• Toda persoa que acceda ao recinto no que terá lugar o espectáculo deberá facelo con entrada, independentemente da idade que teña ou de se ocupa ou non butaca.
• Non se admiten cambios nin devolucións das entradas.
• Non está permitida a entrada ao recinto no que terá lugar o espectáculo con comida nin bebida, excepto auga.
• Están reservados todos os dereitos de imaxe e propiedade intelectual dos espectáculos/concertos programados. Non se permite facer fotos nin gravar antes, durante nin ao remate do espectáculo sen a autorización da organización.
• Unha vez comezado o espectáculo non se permitirá o acceso á sala.

RECOMÉNDASE:
Actuar con responsabilidade.