ENTRECRUZAD@S

OPSIS, Juliana Reyes

Venres 8 de maio ás 19.30 H

Salón Teatro. Santiago de Compostela

Estrea en España

Nun mundo esteticamente ideal, onde o benestar é obriga e a positividade un mandato, aparece unha figura estraña, un forasteiro, unha fenda. Desa creba emerxen os corpos reais: imperfectos, híbridos, fermosos nos seus desaxustes. Corpos que non entran na norma, que non teñen patria, que non teñen xénero pechado, que cargan o peso dos prexuízos.

A través do movemento, o ritmo, a voz, o silencio e a respiración, cinco intérpretes constrúen unha partitura viva sobre o desarraigamento, a identidade, a exclusión e a posibilidade de comunidade. Non se trata de contar unha historia, senón de encarnar moitas. Cada corpo narra desde as súas cicatrices. Cada xesto convértese en fronteira ou refuxio. Cada acción, nun acto de resistencia poética. 

Ficha técnico-artística

Dramaturxia e dirección: Juliana Reyes

Intérpretes: Andrea Carrión García, Fabián Augusto Gómez, Juanki Fernández, Perla del Rocío, Russo Nnandong

Coreografía: Juliana Reyes en colaboración cos intérpretes

Composición musical: Camilo Giraldo Ángel

Rap: Russo Nnandong

Deseño de iluminación: María Viñuela

Asistencia de dirección e produción: Johanna Cruz

Fotografía e vídeo: Beatrix Molnal

Distribución: Carlos M. Carbonell - CRÉMILO Proyectos Culturales y Distribución de Espectáculos

Produción: OPSIS Producciones SL

Descontos

Prezo: 9€ (+gastos de xestión). Descontos do 20% no prezo da entrada para:

·       Persoas xubiladas

·       Persoas desempregadas

·       Persoas en situación de discapacidade

·       Familias de especial consideración (artigo 9 Lei 3/2011, de 30 de xuño, de apoio á familia e á convivencia de Galicia)

·    Persoal laboral da Cidade da Cultura de Galicia e entidades residentes no Gaiás

·       Estudantado e persoal laboral das universidades galegas

·       Carné xove

·       Integrantes do Club Gaiás