Ser a muller perfecta, un modelo de refinamento e encanto, dama de compañía do cabaleiro andante máis famoso da historia, é un peso que Dulcinea xa non quere soportar. Nun mundo onde os ideais teñen cada vez menos cabida, onde a ética deu paso á estética e a moral á corrupción, parece inútil seguir defendendo soños imposibles. Ou quizais si? Necesitamos a Dulcinea agora máis que nunca? Quizais ela, con humor, con dor, con ironía e con absoluta sinceridade, sexa a única capaz de darnos esa resposta.