Unha muller chega á metade da vida apática e descreída. A irrupción dun novo amor será só comparable cunha aterraxe dun OVNI, cun contacto cun alien. Un acontecemento sobrenatural capaz de devolvela ao pensamento máxico e facela volver crer nas grandes utopías.

Desde o humor, e a medio camiño entre a autoficción e a ciencia ficción, a obra reflexiona sobre o amor nunha sociedade marcada polo individualismo e pola procura de afectos sen riscos. Amar convértese nunha aventura cara ao descoñecido, capaz de alterar a nosa maneira de mirar o mundo.

Velasco, Premio Nacional de Literatura Dramática 2024 e unha das grandes dramaturgas da escena contemporánea, é a autora desta proposta que integra teatro, música en directo, danza e audiovisuais, cunha poderosa factura visual. O acontecemento teatral da tempada.

ESTREA EN GALICIA

COPRODUCIÓN CON NAVE10 MATADERO

FRASE DESTACADA: “Non son do espazo exterior. Non teñen por que. Sempre estiveron aquí”. John A. Keel.