Esta produción emprega máscaras e monicreques de diversas técnicas, cancións, historias e rimas, todas elas reelaboradas, ensambladas e cosidas para falar da cultura popular a través do antigo oficio dos monicreques. Desprégase unha viaxe festiva mentres un monicrequeiro e un músico acompañan ao público. Nos recovecos e claros do bosque que percorren, aparecen os personaxes máis "viláns" das nosas fábulas: o lobo, a bruxa, o xigante, o bandido, o trasno e o gato.

O obxectivo é establecer unha conexión directa e amigable co público, devolvéndolle algo que lle pertence: un tesouro agochado no seu propio xardín.