Imaxinemos que un día, accidentalmente, unha muller convencional converteuse da noite para a mañá nunha experta erudita da linguaxe e da gramática. Como cambiaría esta circunstancia a túa vida? Verías, como se di, ampliar os teus horizontes persoais e profesionais ou, pola contra, estas novas competencias preocuparíanche pola marxinación do teu entorno?

Imaxinemos, á súa vez, un recoñecido neurocientífico disposto a someter á muller a un proceso intensivo de desprogramación lingüística en sentido contrario ao que o doutor Higgins leva a cabo sobre a moza das flores Liza Doolitle na famosa obra Pigmalión, de Bernard Shaw. Neste caso non se trataría de refinar verbalmente o personaxe, senón, pola contra, de devolvelo ao seu estado primario de limitación expresiva para evitar, deste xeito, os trastornos de inadaptación social que provoca o seu inadecuado accidente.