The Book of Mormon
A risa chama á túa porta

O musical máis atrevido, salvaxe e divertido

Tras tres temporadas de éxito, máis de 1.000 funcións en Madrid e despois de cativar a máis de 600.000 espectadores, The Book of Mormon, o musical, emprende a súa xira nacional.

Na súa primeira temporada, The Book of Mormon foi elixido Mellor Musical nos Premios Talía, Broadway World e Premios do Teatro Musical. Ata a data, ningún outro musical recibira un recoñecemento tan unánime destes tres premios que conceden anualmente o sector, a crítica e o público.

Dos creadores de South Park, Trey Parker e Matt Stone, e de Robert López, compositor de grandes éxitos como Coco e Frozen, The Book of Mormon é unha cita imprescindible para os amantes dos grandes musicais.

Cunha banda sonora maxistral e un altísimo nivel de interpretación e danza, The Book of Mormon é un dos musicais máis sorprendentes e divertidos ata a data.

Considerado «o musical máis atrevido, salvaxe e divertido ata a data», «o mellor musical do século», «unha noite de gargalladas sen paliativos» ou «indecentemente divertido», The Book of Mormon non deixará indiferente a ninguén.

Esta gran comedia musical é un dos poucos títulos que actualmente tamén se poden gozar en Broadway e Londres. Agora poderá verse nas principais cidades de España da man de ATG Entertainment, produtora líder de musicais en España, con grandes éxitos como Matilda, Priscilla, West Side Story, Billy Elliot, Sonrisas y Lágrimas, Grease, Wicked, Los Miserables ou MAMMA MIA!, co que comparte equipo creativo.

Vive unha experiencia teatral inesquecible con The Book of Mormon.

Autoría: Trey Parker, Robert López, Matt Stone
Dirección: Casey Nicholaw, Trey Parker
Versión: David Serrano

NORMAS DE ACCESO AO RECINTO

• Todas as persoas que accedan ao recinto no que terá lugar o espectáculo deben facelo con entrada, independentemente da súa idade ou de que ocupen ou non unha butaca.
• Non se admiten cambios nin devolucións das entradas.
• Non está permitido entrar no recinto no que terá lugar o espectáculo con comida nin bebida, agás auga.
• Están reservados todos os dereitos de imaxe e de propiedade intelectual dos espectáculos e concertos programados. Non se permite facer fotos nin gravar antes, durante nin ao remate do espectáculo sen a autorización da organización.
• Unha vez comezado o espectáculo, non se permitirá o acceso á sala.

RECOMÉNDASE:
Actuar con responsabilidade.