Un ano máis o Real Mosteiro de Oia abre ao público cunha visita chea de novidades. Un novo percorrido, novos espazos e novos datos que seguirán lanzando luz sobre un dos monumentos máis icónicos de Galicia. Mergúllate na historia do Mosteiro desde outra perspectiva e anímate a participar nunha experiencia diferente!

Lembra: o Mosteiro é un espazo en vías de restauración, actualmente en estado de ruína consolidada. Ven con roupa e calzado cómodo, preparado para explorar os diferentes espazos do cenobio e os seus xardíns.

Levamos moito tempo traballando para recuperar o Mosteiro mentres, desde a Fundación Bretal, seguimos dinamizando culturalmente o edificio a través dunha a actividade cultural adaptada cada ano ao estado do monumento e ás intervencións que se van acometendo. Por iso cada ano a visita é diferente! Esperámoste!