ÍTACA. Espazo interactivo sobre Educación financeira, en A Coruña

ABANCA e Afundación convidánte a viaxares cara á liberdade económica con ÍTACA, un espazo interactivo que fusiona educación financeira coa mitoloxía grega, inspirándonos na lendaria Odisea de Ulises. Guiarémoste a través dun percorrido fascinante onde cada paso te achegará á estabilidade económica coa axuda de intelixencia artificial, personaxes interactivos e efectos visuais. Propómosche diferentes obstáculos financeiros reais (consumismo, débedas, riscos financeiros e cibernéticos, inversións arriscadas…) para aprenderes a manexar o teu diñeiro de xeito práctico e atractivo. 

Espérate unha viaxe chea de diversión e ferramentas para transformar a túa relación coas finanzas e vivir con maior seguridade o teu día a día.

Actividades en colaboración con FUNCAS.

Exposición aberta ao público do 6 de outubro ao 10 de xaneiro 2026

Dirixida a todo tipo de público.

Actividade gratuíta, previa inscrición.