Sede Afundación Ourense

A Sede Afundación de Ourense intégrase dentro das necesidades e inquedanzas dunha sociedade moderna e dinámica, sensibilizada cos problemas actuais, posuidora de ansias de formarse e de descubrir novas manifestacións culturais, así como preocupada polo progreso económico e o emprego.

Neste centro social abordamos todos os aspectos que incumben a unha obra social comprometida coa súa contorna e as súas xentes. A asistencia social, a formación, a difusión das novas tecnoloxías, o fomento do emprego, a potenciación dos sectores produtivos, os servizos financeiros e a arte teñen cabida neste ambicioso proxecto.
Este edificio trátase dunha xoia arquitectónica situada en pleno barrio histórico. Reformamos totalmente o seu interior para transformalo nun innovador edificio de espazos diáfanos e liñas modernas, pero conservamos por completo a súa fachada tradicional, de gran valor artístico.