Teatro Colón

Desde o momento da súa apertura en 1948, o Teatro Colón formou parte da memoria colectiva dos coruñeses como a gran pantalla dalgúns dos máis importantes fitos do celuloide. Singular polas súas dimensións e pola súa localización, en pleno corazón da "cidade de cristal", o Colón foi, tras a súa renovación en 2002, tamén punto de encontro coas artes escénicas e algúns dos artistas da canción e do humor máis destacados dos últimos anos.