Situado a beiras do Lérez, este espazo de modernas instalacións preséntase como punto de encontro e interacción de actividades culturais, turísticas e comerciais. Co seu magnífico auditorio para 772 persoas, sala de exposicións de 1200 metros cadrados, recinto feiral e salón de actos para 276 persoas, entre outras estancias, ofrece todas as posibilidades para acoller desde un pequeno seminario até un grande acontecemento.
