Merca entradas STEEL PULSE - Ciclo Xacobeo Importa Santiago de Compostela .

MENORES DE 18 ANOS TEÑEN  QUE  ENTREGAR UNHA AUTORIZACIÓN ASINADA PRESENCIALMENTE POR PAI/NAI Ou TITOR LEGAL NA PROPIA SALA.

STEEL PULSE

Lendas vivas do reggae, 45 anos de traxectoria, talvez a última gran banda en activo que queda da vella escola. Entre a discografía dos británicos figuran fitos do seu xénero como "Handsworth  Revolution" nos setenta, "Reggae  Fever ( Caught  You)" nos oitenta ou "Rage  And  Fury" nos noventa.

No seu primeiro concerto en Galicia presentarán o seu último traballo " Mass  Manipulation” (nomeado a mellor disco de reggae do ano nos  Grammy  Awards e primeiro álbum da banda en quince anos), xunto a un repaso dunha traxectoria ao alcance de poucos.

CICLO XACOBEO IMPORTA:

Na antesala do próximo ano Xacobeo, e do mesmo xeito que se fixo na edición de 2010, o ciclo de concertos internacionais Galicia Importa transfórmase novamente no Ciclo Xacobeo Importa.

Grazas ao apoio da Xunta de Galicia e dentro da programación do Xacobeo 21, unha ambiciosa proposta musical formada por artistas de diferentes estilos percorrerá na súa 9ª edición as principais capitais galegas co obxectivo de maximizar o seu impacto xeográfico e  visibilización.

Asentado como o ciclo de concertos internacionais máis importante que se desenvolveu en Galicia ata a data, polas súas 8 edicións anteriores pasaron artistas de referencia nos seus respectivos estilos. Lendas da música contemporánea como Joan  Baez, Alice Cooper,  Ronnie  Spector,  Lucinda Williams,  Steve  Vai ou  Mavis  Staples xunto a nomes de culto da escena independente como Eu Téñoa,  Teenage  FanClub, Interpol,  St.  Etienne ou Richard  Hawley foron só algúns dos máis de 40 artistas que o ciclo levou polos principais escenarios galegos.

Nesta edición de 2020, Xacobeo Importa propón unha coidada selección de nomes que encherán a xeografía galega da mellor música, chegando a un público heteroxéneo que demanda propostas distintas e de calidade. 

Mercar entradas STEEL PULSE - Ciclo Xacobeo Importa Santiago de Compostela .